電影《霸王別姬》Farewell My Concubine，係改編自李碧華同名小說，敘述伶人［程蝶衣］對國粹藝術嘅執著，進而投影出歷史與文化喺大時代嘅演變下，造成嘅激盪與人生。
主演：張國榮［程蝶衣］小豆子
張豐毅［段小樓］小石頭
鞏 俐［菊 仙］名 妓
葛 優［袁世卿］袁四爺
劇情大岡：
段小樓（張豐毅）與程蝶衣（張國榮），係一對由細就一齊長大嘅師兄弟，兩人一個演生，一個飾旦，一向都配合得天衣無縫，尤其係一出《霸王別姬》，更加係譽滿京城，就因咁，兩個人約定合演一世《霸王別姬》。
段小樓認為應該成家立業嘅時候，就娶咗名妓菊仙（鞏俐），以致令程蝶衣認定菊仙係一個可恥嘅第三者，而段小樓就做咗叛徒，自此之後，三個人就圍繞著一出《霸王別姬》生出嘅愛恨情仇戰，開始隨著時代風雲嘅變遷而不斷升級，最終做成悲劇。
《霸王別姬》獲得第46屆法國康城影展金棕櫚獎，成為第一部亦係至今嘅唯一獲得呢個獎項嘅華語電影。
《霸王別姬》重榮獲美國金球獎最佳外語片，同埋第66屆奧斯卡最佳外語片獎提名。
《霸王別姬》於2015年畀美國《時代》周刊評為「百大不朽電影」之一。
張國榮扮演嘅虞姬，程蝶衣對段小樓無望嘅愛、淒寂嘅身影同絕望嚋眼神，令無數嘅男人女人陣陣揪心。難怪就連張國榮嘅京劇速成老師亦都贊：［張國榮，係唱戲嘅才料。］
歷盡滄桑嘅程蝶衣同段小樓喺十一年後再演《霸王別姬》，蝶衣嘅情感依舊，但係畀段小樓提醒，自己原來始終都係一個男兒身。冇錯，自己係男人，對段小樓嘅愛情都不過係一場美好而痛心嘅奢夢，終於夢醒，但係身心都已經傾獻出去。唔願夢醒嘅蝶衣寧願好似虞姬一樣，永遠倒臥喺血染嘅愛情裡面［從一而終］，佢用自己送畀段小樓嘅寶劍自刎。
＊＊
人生百味＠戲曲
沒有留言:
張貼留言